Gleðilegt ár

Já, það er orðið ansi langt síðan ég bloggaði.... Hef bara ekki haft neitt að segja.

Lífið gengur sinn vana gang og ekkert breytist, nema að nú get ég sagt að það sé árið 2008 en ekki 2007 ! Svaka breyting !

Það sem er mér efst í huga er EM í handbolta, ég styð strákana okkar í blíðu og stríðu fram í rauðan dauðann, en leikurinn í gær var til háborinnar skammar. Strákarnir gátu bara ekkert sorry, en þetta var eins og slatti af krökkum skoppandi um með bolta. Í fréttum nú í kvöld komst ég reyndar að ástæðunni fyrir þessum ósköpum, hann Óli stef er meiddur á lærvöðva, sem var reyndar líka greint frá um daginn.... og þar sem hann er límið sem heldur þessu liði saman, þá er ég viss um að það hefur haft áhrif á strákana okkar. En það birtir til (vonandi) !! Slóvakía á morgun

Áfram Ísland

Það sem ég er ánægð með þessa dagana er snjórinn, þó langflestir séu ekki sammála mér, það er bara allt svo fallegt, snjórinn hvílir á trjánum og allt svo friðsælt.... alveg frábært, finnst meira að segja huggulegt að lenda í umferðateppu á Sæbrautinni til þess að geta notið útsýnisins.

Ok, ég ætla að hætta áður en ég verð of væmin

Vonandi gerist eitthvað viðburðaríkt í fréttum fljótlega svo ég hafi nú um eitthvað að skrifa.

Seinna

Athugasemdir

[Bros, 19.1.2008 kl. 02:07]

Mikið er ég fegin snúllubúll að þú ert búin að jafna þig á jólunum og farin að blogga aftur.  Þú sverð þig í ættina og heldur með okkar mönnum bæði þegar vel gengur og þegar illa gengur, svona eiga sönn snúllubúll að vera.  Þetta með snjóinn, alveg sammála, bara gaman þó að stundum sé nú erfitt að tosa sig upp til að fara út að moka en þegar það er búið þá er svoooooooooooooooooooooooo gott að líta yfir og sjá hvað maður hefur nú verið duglegur.  Tók ég mig ekki annars vel út í snjógallanum og nýju gönguskónum?  Knús í þitt hús

[Cerebellum, 19.1.2008 kl. 13:53]

Jú þú varst æði sæt :)

Knús í ÞITT hús :)

[Margrét St Hafsteinsdóttir, 19.1.2008 kl. 23:09]

Já endilega fara að drífa sig í bloggstuð!!

[Bros, 27.1.2008 kl. 00:59]

Hvernig væri svo að samþykkja uppáhalds yngstu móðursystur sína á Facebookinu?

[Cerebellum, 28.1.2008 kl. 23:36]

Fyrirgefðu elsku uppáhalds yngsta móðursystir mín...

Kann bara ekkert á þetta Facebook

en ég fer í þetta núna

Ummm, rúm vika í  ...Saltkjöt og baunir, túkall..... 

[Cerebellum, 28.1.2008 kl. 23:37]

Já Margrét, held ég verði að drýfa mig í stuð... eitthvað verður maður að draga sig úr skammdegisþunglyndinu

[Bros, 29.1.2008 kl. 22:37]

dugleg stelpa snúllubúll, núna áttu bara eftir að samþykkja mig sem vin, eða hmmm....viltu ekki hafa mig á vinalistanum

[Bros, 29.1.2008 kl. 22:39]

Úpsssssssssss........fyrirgefðu elsku snúllubúll, þú ert orðin vinur minn, svona eru þessar gömlu frænkur

[Garún, 11.2.2008 kl. 10:57]

Hm hm fyrirgefðu en þarftu ekki að uppfæra persónulýsinguna hér? Þú ert orðin 22 ára sko...Ekkert svindl Dagmaríó